Kreu i PDIU-së, Shpëtim Idrizi ka propozuar sot ngritjen e panteonit të madh të shqiptarëve në mes të Tiranës. Duke folur gjatë festës së organizuar prej partisë që drejton, Idrizi i ka bërë apel politikës për ngritjen e memorialit të të gjithë shqiptarëve në kryeqytet.
“Të ngremë memorialin e gjithë shqiptarëve në Tiranë. Ne nuk mund ti lëmë vëllezërit Frashëri nga Liqeni, Skënderbeun në Lezhë, Ismail Qemalin në Vlorë. Propozojmë që në mes të Tiranë të ngrihet panteoni i gjithë shqiptarëve, si dhe bëjmë thirrje të punojmë për bashkimin e gjithë trojeve aty ku i ka dhënë zoti”- tha ai.
Sipas Idrizit, sot është një ditë e madhe kuqezi dhe të gjithë trevat shqiptare janë veshur me simbolet e kombit kuqezi.
© Panorama.al
