Gjatë marshimit kilometrik nëpër rrugët e Tiranës, pas disa orësh qëndrese para Kryeministrisë, qindra qytetarë kanë paralajmëruar kryeministrin Rama se do të vijojnë rezistencën e tyre.
“O milet, Rama ka siklet!” dhe “O pallosh, pallosh i gjatë, këtu na ke ditë e natë!”, kanë qenë disa nga thirrjet e dëgjuara gjatë marshimit.
Ashtu si për 38 ditë me radhë, qytetarët kanë vijuar ecjen në disa prej akseve të Tiranës dhe më pas janë rikthyer poshtë zyrës së kryeministrit për të përmbyllur protestën me thirrjet: “Nesër më shumë!”.
