Dy shoqëruesit e Shefit të Komisariatit të Policisë Shijak, Kryekomisar Adem Tahiraj, i cili mbeti i vrarë pak ditë më parë, kanë patur të gjithë mundësinë për të kryer veprime për të parandaluar vrasjen, neutralizuar vrasësin apo për ta kapur dhe arrestuar atë.
Zëdhënësi i Ministrise se Brendshme, Leonard Olli tha se Shërbimi i Kontrollit të Brendshëm, në Ministrinë e Brendshme ka kryer veprime hetimore në ngarkim të dy punonjësve të policisë, Fatmir Hoxha dhe Kastrit Gosturani, mbi te cilet rëndon akuza e shpërdorimit të detyrës.
Pas kryerjes së hetimeve, Shërbimi i Kontrollit të Brendshëm, ka bërë ndalimin e punonjësit të policisë, Fatmir Hoxha për vepren penale të shpërdorimit të detyrës, dhe ka shpallur në kërkim policor punonjësin tjetër të policisë Kastriot Gosturani, i cili i është shmangur hetimit të kryer nga ana e SHKB-së.
