Ulja e temperaturave, shoqëruar me reshje bore në shumë zona e me reshje të dendura shiu në të tjera ka risjellë problemet me qarkullimin në një sërë aksesh të vendit dhe ka penguar punën në porte.
Mëngjesin e sotëm, ka pasur vonesa më mbërritjen e trageteve në portin e Durrës, për shkak të detit të trazuar e dallgëve të mëdha.
Kapiteneria ka bërë me dije se forca e dallgëve është 6 ballë dhe për shkak të problemeve në lundrim ende nuk ka mbërritur në port trageti i linjës Bari-Durrës.
Probleme ka në qarkullimin në zonat që janë zbardhur nga bora. Kështu në qafën e Llogarasë në Vlorë policia udhëzon përdorimin e zinxhirëve në rrota, pas të cilët qarkullimi është i pamundur. Probleme ka edhe ne akset Kukës-Shishtavec, Kukës-Bushtricë, Kukës-Peshkopi.
Ndërkohë, shumë komuna në zonat e thella si Lurë, Kalaja e Dodës, Trebisht, Ostren, Zapod, Topojan, Grykë-Cajë, Arren, Bushtricë, Margegaj dhe Lekbibaj janë te izoluara nga bora.
© Panorama.al
