Presidenti i SHBA, Donald Trump ka komentuar nga samiti i G7-ës në Francë marrëveshjen e arritur me Iranin, duke thënë se po kalojnë në fazën e dytë.
“Po kalojmë në një fazë të dytë, e cila mendoj se në fakt do të jetë më e lehtë”, tha ai, ndërsa kritikoi edhe raportimet se SHBA do të investojë para në Iran.
“Ne nuk po investojmë asnjë para, nuk kemi asnjë detyrim për të investuar asnjë para në Iran. Ne kemi të drejtë ta bëjmë nëse duam, por nuk do të investojmë para“, shtoi ai.
Një mesazh përcolli edhe për kryeministrin izraelit, Benjamin Netanyahu, duke thënë se ai duhet të tregohet më i përgjegjshëm me Libanin.
Ai u pyet nga një gazetar nëse është i frustruar nga miku i tij izraelit pas raportimeve për shkëmbime të nxehta telefonike mes të dy udhëheqësve.
“Jo”, tha Trump, duke shtuar: “Kishim një marrëdhënie të shkëlqyer. Po flasim për disa detaje përfundimtare. Ne kemi pasur një marrëdhënie shumë efektive pa ne, pa Shtetet e Bashkuara, nuk do të kishte Izrael.
Pa mua, nuk do të kishte Izrael, sepse asnjë president tjetër nuk ishte i gatshëm të bënte atë që bëra unë. Kam pasur një marrëdhënie të shkëlqyer me Bibin, por tani Bibi duhet të jetë më i përgjegjshëm në lidhje me Libanin.”
© Panorama.al
