Liga Arabe ka mbështetur kërkesën e Palestinës për t’i parashtruar OKB-së mundësinë e njohjes së këtij vendi. Në një komunikatë të përbashkët, vendet e Ligës Arabe kanë deklaruar se “kërkesa do jetë për njohjen e plotë nga OKB-ja të Rripit të Gazës dhe Bregut Perëndimor si shtet të pavarur, me Jerusalemin Lindor si kryeqytet”. Liga Arabe ka njoftuar se do ta bëjë këtë kërkesë në Asamblenë e Përgjithshme të OKB-së, që do të mbahet në shtator në Nju-Jork. Njoftimi u bë pas një takimi të një komiteti monitorues arab, ku morri pjesë edhe presidenti palestinez, Mahmud Abas, në Katar. Ndërkohë, Izraeli, tensioni i të cilit është rritur pas deklaratave të fundit të Presidentit Obama për kufirin me Palestinën, ka vulosur synimin për të mbajtur me çdo kushte Jerusalemin lindor si pjesë të territorit të tij, me nisjen e një investimi prej 100 milionë dollarësh në “kryeqytetin e pandashëm”.
Opinion
Gota e mbushur e tranzicionit shqiptar
RUDINA HAJDARI
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama