Policia e Tiranës ka identifikuar dhe ka arrestuar autorin e grabitjes së një dite më parë të një supermarket në zonën e Yzberishtit në Tiranë. Mësohet se ai është Elkjer Tafciu.
Policia thote se 40-vjeçari është me precendent penal për vjedhje me dhunë.
Punonjësja e marketit që u dëmtua në dorë, nga thika që mbante autori, në tentativë për ta ndaluar atë, mori mjekim dhe u largua nga spitali.
Ngjarja ndodhi mesditën e djeshme në zonën e Yzberishtit, ku personi i maskuar dhe me thike u fut ne market dhe duke e kërcënuar mori xhiron ditore.
Njoftimi i policise
Identifikohet, kapet dhe vihet në pranga 40-vjeçari që vodhi një shumë parash dje, në një market në Yzberisht, duke kanosur punonjësen, me thikë.
I arrestuari, me precendent penal për vjedhje me dhunë.
Shërbimet e Komisariatit të Policisë Nr. 6, në vijim të veprimeve intensive hetimore të kryera për zbardhjen e vjedhjes së kryer dje, në kërcënimin e thikës, në një market në Yzberisht, organizuan dhe finalizuan operacionin policor “Intervent”.
Si rezultat i operacionit u identifikua, u kap në Rrugën e Qelqit dhe u vu në pranga autori i dyshuar i vjedhjes, shtetasi E. T.(T), 40 vjeç, banues në Tiranë.
Punonjësja e marketit që u dëmtua në dorë, nga thika që mbante autori, në tentativë për ta ndaluar atë, mori mjekim dhe u largua nga spitali.
Materialet procedurale do t’i kalojnë Prokurorisë, për veprime të mëtejshme.
© Panorama.al
