Një alarm për eksploziv është regjistruar mbrëmjen e sotme në zonën e njohur si 15-katshi, në qendër të Tiranës.
Sipas informacioneve paraprake, në zonë është konstatuar një çantë e dyshimtë, e cila ka ngritur dyshime për praninë e mundshme të lëndëve eksplozive.
Në vendngjarje kanë mbërritur forcat e Policisë, të cilat kanë rrethuar zonën dhe kanë thirrur njësinë antieksploziv për të kryer verifikimet e nevojshme.
Mësohet se çanta është hapur dhe brenda kanë rezultuar vegla pune
Ende nuk ka informacion zyrtar mbi përmbajtjen e çantës apo nëse bëhet fjalë për një rrezik real, ndërsa detaje të tjera priten në vijim.
Tiranë/Informacion paraprak
Më datë 02.03.2026, rreth orës 18:30, është njoftuar Salla operative se në rrugën “Bardhok Biba”, në trotuar, ndodhej një valixhe e dyshimtë.
Shërbimet e Policisë bënë rrethimin e vendit dhe njoftuan forcat xheniere. Pas verifikimeve dhe hapjes së valixhes, është konstatuar se brenda saj ndodheshin vegla ndërtimi.
Nga këqyrja e pamjeve filmike ka rezultuar se valixhja ishte harruar nga disa punonjës ndërtimi.
© Panorama.al
