Gjykata Kushtetuese në Kosovë ka dhënë një përgjigje mbi imunitetin e deputetëve, pas një kërkese për sqarim nga qeveria e Kosovës. Kështu, sipas Gjykatës më të lartë në vend, deputetët nuk i mbron imuniteti nga arrestimi. “Deputetët nuk gëzojnë imunitet nga ndjekja penale për veprimet dhe vendimet e ndërmarra jashtë fushëveprimit të përgjegjësive të tyre. Kjo ka të bëjë me ndjekjen penale për veprat penale, të cilat pretendohen të jenë kryer para fillimit të mandatit të tyre dhe gjatë rrjedhës së mandatit si deputetë”, thuhet në vendimin e Gjykatës Kushtetuese. “Deputetët nuk gëzojnë imunitet nga paditë civile për veprimet dhe vendimet jashtë fushëveprimit të përgjegjësive të tyre”, vazhdon komunikata. Po ashtu, sipas Gjykatës, pa imunitet është edhe Presidenti e anëtarët e qeverisë, nëse për ta ngritën padi civile ose penale jashtë fushëveprimit të funksioneve zyrtare që kryejnë. Vendimi prek direkt deputetin Fatmir Limaj, për të cilin EULEX ka ngritur aktakuzë për krime lufte.
Opinion
Gota e mbushur e tranzicionit shqiptar
RUDINA HAJDARI
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama