Kryeministri Edi Rama ka promovuar sot ekspozitën me fotografi të Ben Blushit, e cila u hap ditën e djeshme në ambientet e COD (Qendra për Hapje dhe Dialog në Kryeministri).
Me anë të një postimi në Facebook, Rama shkruan se kjo ekspozitë është befasuese dhe nuk duhet të humbet.
“PËR TË MOS U HUMBUR! Një ekspozitë befasuese fotografish nga Ben Blushi”, shkruan Rama.
Ceremonia e ekspozitës “Shqiptarë të padukshëm” u hap diten e djeshme.
“Në kërkim të çastit dhe të një fotografie më të mirë, do vazhdoj të eci duke e drejtuar aparatin tim mbi portretet e njerëzve të panjohur. Prandaj dhe kjo ekspozitë quhet “Shqiptarë të panjohur”, si një shenjë mirënjohje për këta njerëz të panjohur që më mësuan të fotografoj.” – shprehet Ben Blushi.
Po ashtu Ben Blushi tha: E kam quajtuar këtë cikël fotografish Shqiptarë të Panjohur në emër të të gjjthë atyre njerëzve të panjohur të cilët i kam takuar në rrugët e Shqiperisë, në qytete dhe fshatra të vegjël. Ata më lejuan ti fotografoj duke më mësuar artin e mrekulkueshëm të fotografisë. Kjo ekspozitë do qëndrojë e hapur nga data 3 deri në 30 prill në hollin e Kryeministrisë dhe hyrja për të gjjthë është e lirë.
© Panorama.al
