Kryeministri Edi Rama, nga Dimali ku zhvilloi një takim elektoral, ka prezantuar një nismë të qeverisë.
Rama u shpreh se për nënat që nuk janë në punë dhe kanë 3 ose më shumë fëmijë, shteti do t’u pagujë sigurimet shoqërore dhe shëndetësore.
Kreu i qeverisë theksoi se kjo nismë ka për qëllim që këto nëna të mos mbeten pa pension.
Edi Rama: Për nënat pa punë dhe me 3 ose më shumë fëmijë kemi marrë një nismë që qeveria tu paguajë sigurimet shoqërore dhe shëndetësore, që pavarësisht se ato nuk janë në punë për faktin që kanë 3 ose më shumë fëmijë të mos mbeten pa pension dhe faktikisht janë 25 mln euro çdo vit që qeveria paguan për nënat e papuna.
© Panorama.al
