Ish-deputetja Monika Kryemadhi, njëkohësisht ish-bashkëshorte e kreut të Partisë së Lirisë, Ilir Meta, u shfaq sot në Gjykatën e Posaçme për seancën e radhës, në procesin e ngritur nga SPAK për çështjen e pasurisë.
Me një çantë të mbushur me materiale e dokumente që lidhen me procesin, ajo u pa e shoqëruar nga avokati.
Fillimisht Kryemadhi i ndal te dera duke dëgjuar avokatin Kujtim Cakrani që po jepte deklaratë për mediat në lidhje me rrëzimin e kërkesës së radhës për lirimin e Metës dhe më pas u përshëndet me të në distancë.
Ndërsa Cakrani u ankohej mediave se kishte bërë disa ankesa e kërkesa ndaj gjyqtares për përjashtim, Kryemadhi ndërhyri:
“Avokat, drejtësia me statistika është me e keqe se padrejtësia! Kështu që mos u çudisni”.
