Kristiano Ronaldo ka konfirmuar publikisht se dëshiron të vazhdojë karrierën e tij në Arabinë Saudite, duke i dhënë fund spekulimeve për një largim të mundshëm.
Ylli portugez theksoi se ndihet i përmbushur si në aspektin profesional ashtu edhe personal, duke vlerësuar mikpritjen që ka marrë që nga transferimi i tij në Lindjen e Mesme. “I përkas Arabisë Saudite. Dua të vazhdoj këtu. Është një vend që më ka mirëpritur mua, familjen dhe miqtë e mi. Jam i lumtur këtu dhe dua të vazhdoj këtu”, deklaroi Ronaldo.
Që nga kalimi i tij te Al Nasr, 41-vjeçari ka qenë një nga figurat kryesore në rritjen e profilit të kampionatit saudit. Ai së fundi shënoi ndaj Al Hazemit, duke mos u ndalur drejt objektivit të tij për të shënuar 1000 gola. Deklarata e tij konfirmon angazhimin afatgjatë me klubin saudit.
PANORAMASPORT.AL
© Panorama.al
