Prodhuesit kosovarë do të munden t’i eksportojnë mallrat e tyre në cilindo vend të Europës pa doganë. Ky ishte kthimi i preferencës tregtare, një vendim i marrë më 30 dhjetor, i cili ishte pezulluar vetëm një vit më parë. Khaldoun Sino, Ushtrues Detyre i Kryesuesit të Zyrës Ndërlidhëse të Komisionit Europian në Kosovë, tha për mediat në Kosovë se ky është vendim i rëndësishëm për bizneset vendase që eksportojnë në BE. Ripërtëritja e preferencave tregtare, sipas tij, do t’u mundësojë bizneseve një hyrje shumë më të lehtë në tregjet e BE-së dhe pritet që të çojnë përpara eksportin e Kosovës në këto vende. Masat tregtare autonome aplikohen për të gjitha shtetet e Ballkanit Perëndimor dhe sigurojnë heqjen e doganës në tregun e BE-së për pothuajse të gjitha mallrat me origjinë nga rajoni. Në vitin 2000, Bashkimi Europian për herë të parë krijoi një rregull të veçantë për të liruar nga dogana në tregun e BE-së pothuajse të gjitha mallrat, pa sasi të kufizuar, me origjinë nga rajoni i Ballkanit Perëndimor (Shqipëria, Bosnja-Hercegovina, Kroacia, ish-Republika Jugosllave e Maqedonisë, Mali i Zi, Serbia dhe Kosova).
Opinion
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
Shqipëria në kërkim të liderit
EVARIST BEQIRI
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama