KORÇE- Është gjetur katër ditë pas mbytjes, Festim Bimo, 27- vjeçari, i cili u mbyt në rezervuarin e fshatit Gostivisht në Ersekë, ndërsa po shpëtonte bagëtitë.
Uji i turbull dhe thellësia e rezervuarit e vështirësuan shumë punën e polumbarëve për gjetjen e trupit të bariut. Është dashur shkarkimi i një sasie të madhe uji që të dilte në sipërfaqe trupi i pajetë i 27- vjeçarit.
Festim Bimo nga fshati Gostivisht i rrethit të Kolonjës, u mbyt në rezervuarin e fshatit mbrëmjen e së martes, ndërsa po përpiqej të nxirrte nga uji njërën nga delet e tufës së tij.
© Panorama.al
