TIRANE- Nënkryetari i Këshillit të Lartë të Drejtësisë, Kreshnik Spahiu i cilësoi sulmet e kryeministrit ndaj tij goditje ndaj sistemit të drejtësisë.
Në një reagim për shtyp, menjëherë pasi kryeministri tha se grupi parlamentar i PD-së do të kërkojë shkarkimin e tij nga pozicioni në KLD, Spahiu tha se është e qartë se goditja vjen në ditën kur qytetarët presin drejtësi nga gjykatat për çështje të caktuara.
“Vendimi është i pastër në kundërshtim me Kushtetutën dhe ligjin mbi KLD-në. “Zv/kryetari emërohet dhe shkarkohet me propozim të Presidentit dhe nga Këshilli i Lartë i Drejtësisë. Situata tërësisht e papranueshme ku hapat dhe vendimet politike godasin njerëzit e drejtësisë dhe institucionet e pavarura”- tha Spahiu.
Spahiu tha se është i hapur, të ballafaqohet me këdo në komisionin parlamentar që do të ngrihet.
© Panorama.al
