Një 36-vjeçar në Shijak është shpallur në kërkim nga policia, pasi dyshohet se ka kanosur 2 persona për motive të dobëta.
Sipas njoftimit të policisë, gjatë kontrollit të banesës së shtetasit L.I, policia gjeti dhe sekuestroi në cilësinë e provës materiale municion luftarak, një mjet prerës (thikë) dhe dy radio policie.
Policia thotë se po punon për kapjen e shtetasit L. I, si dhe për sqarimin e rrethanave dhe dokumentimin e plotë ligjor të rastit.
Materialet procedurale iu referuan Prokurorisë së Durrësit për veprime të mëtejshme
© Panorama.al
