Ushtria e Mbrojtjes së Izraelit ka lëshuar një “paralajmërim urgjent” për banorët e periferive jugore të Beirut, duke u kërkuar të evakuohen menjëherë nga shtëpitë e tyre, përpara sulmeve ajrore të planifikuara kundër Hezbollah.
Sipas ushtrisë izraelite, zonat në jug të kryeqytetit libanez janë nën kontrollin e Hezbollahut dhe pritet të jenë objekt i operacioneve ushtarake.
Ky urdhër evakuimi konsiderohet i paprecedentë, pasi është hera e parë që ushtria izraelite u bën thirrje banorëve të një zone kaq të gjerë të kryeqytetit të Lebanon që të largohen. Në të kaluarën, paralajmërimet për evakuim në Beirut kanë qenë të kufizuara vetëm për ndërtesa specifike që pritej të goditeshin.
Sipas njoftimit të fundit, paralajmërimi përfshin katër lagje të mëdha në periferitë jugore të qytetit.
“Shpëtoni jetën tuaj dhe largohuni menjëherë nga shtëpitë tuaja”, deklaroi zëdhënësi i ushtrisë izraelite, koloneli Avichay Adraee.
Ai paralajmëroi gjithashtu se banorët nuk duhet të lëvizin drejt jugut, pasi çdo lëvizje në atë drejtim mund të rrezikojë jetën e tyre.
“Do t’ju njoftojmë kur të jetë e sigurt për t’u kthyer në shtëpitë tuaja”, shtoi ai.
© Panorama.al
