Pasi ka siguruar epërsi ajrore, ushtria izraelite po kalon në fazën e radhës të luftës kundër Iran, deklaroi shefi i Shtabit të Përgjithshëm të Forcave të Mbrojtjes së Izraelit (IDF), gjeneral-lejtnant Eyal Zamir.
“Tani po kalojmë në fazën tjetër të fushatës, gjatë së cilës do të intensifikojmë goditjet ndaj themeleve të regjimit dhe kapaciteteve të tij ushtarake”, tha Zamir. Ai shpjegoi se brenda 24 orëve të para të operacionit “Luani që vrumbullon”, aviacioni ushtarak izraelit “hapi rrugën drejt Tehran”.
“Kemi edhe lëvizje të tjera befasuese që nuk kam ndërmend t’i zbuloj”, shtoi shefi i ushtrisë izraelite.
Sipas Zamir, Izraeli ka shkatërruar rreth 80% të sistemeve të mbrojtjes ajrore të Iranit.
“Brenda 24 orësh, pilotët tanë hapën rrugën për në Teheran”, tha ai. “Forcat Ajrore izraelite kanë kryer 2.500 sulme ajrore dhe kanë hedhur më shumë se 6.000 municione”, shtoi më tej.
Ai theksoi gjithashtu se është neutralizuar dhe shkatërruar më shumë se 60% e lëshuesve të raketave balistike të Iranit.
© Panorama.al
