Irani po shqyrton një tarifë tranziti për anijet që kalojnë nëpër Ngushticën e Hormuzit. Agjencia e lajmeve Mehr e Iranit raportoi se qeveria e Iranit do të sanksionojë “fuqitë që kërkojnë dominim”, të cilat përdorin ngushticën.
“Në fund të luftës së imponuar aktuale, me hartimin e një regjimi të ri për ngushticën e Hormuzit, Irani do ta kthejë pozicionin e tij nga një vend i sanksionuar në një fuqi të përforcuar në rajon dhe në botë”, u citua të ketë thënë Mohammad Mokhber, një këshilltar i udhëheqësit suprem të Iranit.
“Ne do t’i sanksionojmë ato fuqi arrogante që kërkojnë dominim dhe që përdorin ngushticën e Hormuzit për të mos lejuar që anijet e tyre të kalojnë nëpër të.”
AFP, duke cituar agjencinë shtetërore të lajmeve Iraniane Studentore, raportoi se një politikan iranian tha se qeveria po shqyrtonte një projektligj sipas të cilit vendet që përdorin rrugën kryesore tregtare t’i paguajnë Teheranit taksa për transportin detar, tranzitin e energjisë dhe furnizimet me ushqim.
Rreth 20% e furnizimeve globale me naftë janë bllokuar në nga kalimi nëpër ngushticën e Hormuzit që kur Irani filloi të sulmonte anijet.
Presidenti i SHBA-së, Donald Trump ka sugjeruar dërgimin e anijeve luftarake për të hapur një rrugë të sigurt për trafikun detar tregtar, një ide e refuzuar fuqimisht nga aleatët evropianë.
© Panorama.al
