Irani ka publikuar një video-dokument nga ndalimi i një cisterne të huaj pranë ishullit Qeshm në Gjirin Persik.
Sipas autoriteteve në Teheran, anija transportonte rreth katër milionë litra karburant kontrabandë, raportoi një media shtetërore. Autoritetet iraniane nuk e kanë bërë të ditur emrin e anijes dhe as nuk kanë dhënë detaje për flamurin e saj.
Ata njoftuan se 16 anëtarë të huaj të ekuipazhit janë vënë në paraburgim, të akuzuar për vepra penale. Televizioni shtetëror iranian bëri të ditur se operacioni u zhvillua të mërkurën më 24 dhjetor.
Irani, i cili ka ndër çmimet më të ulëta të karburanteve në botë për shkak të subvencioneve të larta dhe rënies së vlerës së monedhës kombëtare, po përballet me një betejë të vazhdueshme kundër kontrabandës së karburanteve.
Kjo kontrabandë realizohet si nëpërmjet rrugëve tokësore drejt vendeve fqinje, ashtu edhe nëpërmjet detit drejt vendeve arabe të Gjirit.
© Panorama.alBREAKING:
The Islamic Regime of Iran has seized a foreign oil tanker near the Iranian island of Qeshm in the Persian Gulf.
They claim it was carrying 4 million litres of smuggled fuel.
16 foreign crew members have been kidnapped pic.twitter.com/85v4j2u9Ez
— Visegrád 24 (@visegrad24) December 26, 2025
