Zëdhënësi i Ministrisë së Jashtme iraniane e paralajmëroi Bullgarinë të hënën që të mos lejojë Shtetet e Bashkuara të përdorin territorin e saj për operacione ushtarake kundër Iranit.
Qeveria e Radev planifikon të kërkojë miratimin parlamentar për vendosjen e deri në tetë avionëve amerikanë të furnizimit me karburant në Bullgari, një anëtare e NATO-s dhe Bashkimit Evropian.
Esmail Baghai, një zëdhënës i Ministrisë së Jashtme iraniane, tha se çdo veprim që lehtëson sulmet e SHBA-së ndaj Iranit do të përbënte bashkëpunim në “krime lufte”.
Bagai i kërkoi Bullgarisë të mos bëhet “bashkëpunëtore” e agresorëve dhe shkelësve të së drejtës ndërkombëtare.
Qeveria bullgare planifikon të lejojë vendosjen e avionëve amerikanë të furnizimit me karburant në bazën ushtarake Bezmer, rreth 260 kilometra në juglindje të kryeqytetit Sofje.
Armiqësitë midis SHBA-së dhe Iranit janë përshkallëzuar pas dështimit të një marrëveshjeje të përkohshme armëpushimi, duke ngritur shqetësime në lidhje me rrezikun e një konflikti të përgjithësuar në Lindjen e Mesme.
© Panorama.al
