“Mother Teresa International Film Festival” po zhvillohet në Indi. Festivali i filmit, që mban emrin e shenjtores shqiptare, po zhvillohet në kujtim të ditës së Lumturimit të saj nga Vatikani. Mësohet se festivali në fjalë është i pari i këtij lloji. Ai përmban 12 filma, duke përfshirë “Bota e pestë”, një film i animuar për Nënë Terezën, “Në gjurmët e nënës”, një vështrim në jetën e Misionareve të Bamirësisë, “Me emrin e varfër të Perëndisë” (SHBA), me regji të vajzës së Charlie Chaplin, Geraldine Chaplin, “Precious Love” (SHBA), “Zbulesa e Kalkutës” (Francë) dhe 5 filma të regjisorëve indianë. “Disa shkolla dhe institucione arsimore u janë bashkuar festimeve të përvjetorit të lindjes së Nënë Terezës, duke u bërë pjesë e tij”, është shprehur për mediat indiane, drejtori i festivalit Frank Krishnar. Hapja zyrtare për publikun është bërë me filmin “Nënë Tereza”, një poemë epike tri orë nga Italia, e cila u kthye më vonë në një seri mini-TV. “Ne të gjithë e dimë se çfarë i ka dhënë shoqërisë Nënë Tereza, por sfidat me të cilat ajo u përball për ta bërë këtë, janë ndoshta një kapitull i fshehur. Këta filma kanë portretizimin në kryevepër të jetës së saj”, tha Krishnar.
Opinion
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
Shqipëria në kërkim të liderit
EVARIST BEQIRI
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama