Sekretari i Përgjithshëm i NATO-s, Anders Fogh Rasmusen, ka komentuar incidentin në Veri të Kosovës, ku u plagosën dy ushtarë të KFOR-it dhe tre serbë, duke vlerësuar se KFOR ka reaguar për vetëmbrojtje. Ai i ka lavdëruar ushtarët e KFOR-it dhe mënyrën se si e kanë zhvilluar operacionin e heqjes së barrikadave në javën e kaluar në veri të Kosovës, gjatë një konference për shtyp në Bruksel. Rasmusen ka siguruar se KFOR-i do të zbatojë mandatin për të ofruar liri të lëvizjes për të gjithë. Incidenti ku u plagosën dy ushtarë të KFOR-it dhe tre serbë, ndodhi gjatë mëngjesit të së premtes, gjatë aksionit të paqeruajtësve për heqjen e barrikadave në Rudarë. Serbët e veriut e kundërshtuan këtë aksion, madje kanë qëlluar në drejtim të ndërkombëtarëve me armë zjarri. Për heqjen e barrikadës në Rudarë, trupat e KFOR-it janë detyruar të përdorin gazin lotsjellës dhe plumbat e gomës, për të shpërndarë serbët e zonës, të mbledhur e organizuar nga strukturat paralele. Pas rritjes së tensioneve, KFOR-i ka përfshirë në aksion edhe helikopterët. Heqja e barrikadave u krye me sukses.
Opinion
G7: I njëjti vend, një botë tjetër
VALBONA ZENELI
Beştepe
LEONARD DEMI
Shoqëria civile e rreme dhe ajo e vërteta
MRIKA TEMALI
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama