TIRANË- Presidenti i vendit, Bamir Topi ka propozuar sot emrin e Ardian Fullanit, guvernatorit aktual të Bankës së Shqipërisë për postin e ri, në kuadër të zgjedhjeve për kreun e ri të këtij institucioni.
Me anë të një dekreti të posacëm, publikuar sot në faqen zyrtare të Presidencës, Presidenti Topi dekreton “Propozimin e Guvernatorit të Bankës së Shqipërisë”.
“Zoti Ardian Fullani, i propozohet Kuvendit për t’u zgjedhur Guvernator i Bankës së Shqipërisë”- thuhet në dekretin e Topit, mbështetur në nenin 93 dhe 161, paragrafi 2, të Kushtetutës së Shqipërisë.
Vetëm pak ditë më parë, Fullani ishte një nga emrat e propozuar nga kreu i qeverisë, Sali Berisha për anëtare te bordit të Bankës së Shqipërisë. Ndërkohë që opozita e ka kundërshtuar rikandidimin e tij per nje mandat te dyte.
© Panorama.al
