Mbreti Charles dhe Mbretëresha Camilla u takuan për herë të parë me Papën e ri, Leon, përpara se të ndanin një moment lutjeje së bashku.
Simbolika e një pape dhe një mbreti që luten bashkë, gati 500 vjet pas ndarjes së Kishës së Anglisë nga Roma, është tejet domethënëse.
Monarku, i cili është guvernatori suprem i Kishës së Anglisë, ka qenë prej kohësh një mbështetës i përpjekjeve për të ndërtuar ura bashkëpunimi mes feve të ndryshme.
Siç është raportuar, Papa Leo dhe familja mbretërore shkëmbyen dhurata për të shënuar këtë rast historik.
Mbreti i dhuroi Papës një fotografi të madhe argjendi dhe një ikonë të Shën Eduardit Rrëfyes, një mbret anglosakson i Anglisë, i njohur për devotshmërinë dhe jetën e tij të lutjes.
Në këmbim, Papa i dhuroi Mbretit një version në përmasa më të vogla të mozaikut “Krishti Pantokrator” nga një katedrale në Siçili, i realizuar në Vatikan.
Gjatë një takimi mbi qëndrueshmërinë mjedisore, të dy udhëheqësit shkëmbyen gjithashtu dhurata simbolike pemësh, që do të mbillen si pjesë e përpjekjeve për mbrojtjen e natyrës.
