Një situatë tensionuar në kufijtë e një skandali ka ndodhur në seancën e sotme parlamentare, ku Komandanti i Gardës ka tentuar të hakmerret ndaj deputetit të Partisë Demokratike, Flamur Noka, pasi ky i fundi i ka derdhur shishen me ujë.
Teksa deputetët e PD qëndronin në karriget e ministrave dhe situata u acarua, teksa Garda ka ndërhyrë duke tentuar që të largojë ligjvënësit demokratë.
Në një moment, Flamur Noka nga vendi ku rrinë ministrat e lagu me ujë Komandantin e Gardës. Ky i fundit, i revoltuar dhe në shenjë hakmarrje është ngjitur në pjesën ku ndodhej Noka, por është ndaluar nga vartësit e tij.
Kujtojmë qe rregullorja e Kuvendit i ndalon efektivet e Gardës të perplasen fizikisht me ligjvënësit, madje dhe kur keta te fundit i tejkalojnë me sjelljen.
