Një aksident ka ndodhur mbrëmjen e sotme në aksin Fier – Patos, ku një automjet tip “Volkswagen” është përplasur me një mjet tip “Touareg”, duke shkaktuar lëndime te të dy drejtuesit dhe tre pasagjerët që udhëtonin me ta.
Të lënduarit janë transportuar menjëherë me urgjencë drejt Spitalit Rajonal Fier, ndërsa në vendngjarje ndodhet policia dhe grupi hetimor, të cilët po punojnë për zbardhjen e shkaqeve të aksidentit.
Sipas informacioneve të para, përplasja ka qenë e fortë, ndërsa autoritetet po vijojnë punën për sqarimin e rrethanave dhe detajeve të ngjarjes.
