Një konflikt mes dy personash në Korçë ka përfunduar me përdorimin e thikës. Ngjarja është shënuar në afërsi të shkollës “Demokracia”.
54 vjeçari Gëzim Ramka ka plagosur me thikë shtetasin Rigels Janaqi, 40 vjeç. Mësohet se i plagosuri ka marrë plagë në qafë dhe është dërguar në urgjencën e spitalit të Korçës.
Është përdorur një thikë e vogël dhe aktualisht nga bluzat e bardha po ndërhyhet për heqjen e saj nga qafa.
Autori është kapur nga policia dhe është shoqëruar për veprimet e mëtejshme në komisariat.
I plagosuri dyshohet të jetë me probleme të shëndetit mendor.
© Panorama.al
