Një krim i rëndë ka ndodhur në ambientet e burgut famkeq të Greqisë, Koridhalos.
Një i burgosur shqiptar është sulmuar fatalisht me thikë nga një i dënuar grek.
Të dy personat ishin të dënuar që vuanin dënime për vrasje, kurse motivet dhe rrethanat e ngjarjes mbeten ende të panjohura sipas raportimit të “Protothema”.
“Një vrasje ndodhi brenda burgut të Korydallos, kur një i burgosur me origjinë shqiptare u sulmua me thikë dhe ndërroi jetë nga plagët e marra. Incidenti i përgjakshëm u zhvillua në rrethana ende të paqarta, duke nxitur mobilizimin e menjëhershëm të autoriteteve të burgut”, informon media në fjalë.
Sipas informacioneve paraprake, autori i krimit ishte një i burgosur grek, i cili e sulmoi viktimën duke përdorur një objekt të mprehtë të improvizuar.
© Panorama.al
