“Për mua, ka mbetur vetëm një emër, Antonio Konte.” Ish-trajneri Fabio Kapelo kishte një mendim të qartë, duke folur për La Gazzetta dello Sport një ditë pas krizës së ekipit kombëtar që çoi në dorëheqjet e Maldinit dhe Leonardos.
Ish-trajneri i Anglisë votoi për Konten në një përballje me Mançinin: “Më duket e pabesueshme që ai mund të rikthehet pasi e la ekipin në atë mënyrë. Nuk e vë në dyshim aftësinë e Mançinit, por ajo që bëri është shumë serioze sipas mendimit tim.”
Duke u kthyer te dorëheqjet e Maldinit dhe Leonardos, Kapelo tha: “E prisja. Pasi u premtuan kaq shumë, ata u ndjenë të përdorur. Po, ata kanë karaktere të forta, por nuk mendoj se kishin nevojë të ishin protagonistë: ata pranuan pasi u siguruan për vendimet e tyre të pavarura, kështu që duke i njohur ata, dorëheqjet e tyre më duken krejtësisht normale. Pirlo? Më pëlqeu, ishte një ide e re, vetëm duke kërkuar mënyra të reja mund të bësh diçka ndryshe, përndryshe kthehesh prapa. Ata kërkuan këto mënyra të tjera, tani po marrim një rugë të shkurtër për t’u rikthyer në të njëjtën rrugë.”
Në këtë kaos, një pyetje tani i kaplon shumë tifozë, nga fillon përsëri Italia? Lidhur me këtë pikë, Fabio u përpoq të ofronte një kornizë: “Nga Italia, e cila duhet të bëjë diçka italiane, pa kopjuar askënd sepse ne nuk jemi të aftë për të. Por ka një aspekt shumë të rëndësishëm. Programi, të cilin Leonardo dhe Maldini ndoshta e kishin parashikuar kur folën për një horizont 8-10-vjeçar, ishte gjëja e duhur për t’u bërë. Duke filluar me asnjë renditje në shkollat e futbollit, duke ndaluar taktikat deri në moshën 14 ose 15 vjeç. Dhe kushdo që nuk është i aftë të stërvitë nuk duhet të bëhet trajner. Ne duhet t’u rikthejmë lirinë e mendimit dhe lojës të rinjve”, përfundoi ai.
PANORAMASPORT.AL
© Panorama.al
