Ministrja për Punët e Jashtme, Elisa Spiropali ka përshëndetur çeljen e grupkapitullit të fundit të negociatave, duke theksuar se ishte ‘kurorëzimi i një dekade reformash të guximshme’.
Me anë të një postimi në Facebook, ministrja thekson se sot mbyllet një cikël përpjekjesh dhe hapet një horizont i ri sfidash e mundësish.
Me çdo kapitull të hapur, shkruan Spiropali, ‘Shqipëria shkruan një faqe të re të historisë europiane, jo më si aspiratë, por si një realitet në ndërtim’.
“Ky është kurorëzimi i një dekade punësh të vështira, reformash të guximshme dhe besimi të palëkundur tek rruga e një Shqipërie me institucione të forta demokratike, me zhvillim ekonomik e social të qëndrueshëm, me drejtësi e mirëqënie për të gjithë. Ne nuk do të ndalemi derisa flamuri ynë të jetë në tryezën e përbashkët europiane, për Shqipërinë, Europën e Ballkanit. Gati për sfidat e punët që na presin për mbylljen e negociatave në vitin 2027”, shkruan Spiropali.
Postimi i plotë
Sot mbyllet një cikël përpjekjesh dhe hapet një horizont i ri sfidash e mundësish.🇦🇱❤️🇪🇺
Me çdo kapitull të hapur, Shqipëria shkruan një faqe të re të historisë europiane, jo më si aspiratë, por si një realitet në ndërtim.
Ky është kurorëzimi i një dekade punësh të vështira, reformash të guximshme dhe besimi të palëkundur tek rruga e një Shqipërie me institucione të forta demokratike, me zhvillim ekonomik e social të qëndrueshëm, me drejtësi e mirëqënie për të gjithë.
Ne nuk do të ndalemi derisa flamuri ynë të jetë në tryezën e përbashkët europiane, për Shqipërinë, Europën e Ballkanit.
Gati për sfidat e punët që na presin për mbylljen e negociatave në vitin 2027.
Shqipëria nuk ndalet.🇦🇱🦅
© Panorama.al
