Ministri i Jashtëm i Iranit, Abbas Araghchi theksoi në një postim në rrjete sociale se qytetarët britanikë janë kundër luftës në Iran, duke komentuar vendimin e qeverisë britanike për të lejuar SHBA-në të përdorë bazat ushtarake.
“Duke injoruar popullin e tij, z. Starmer po vë në rrezik jetën britanike”, tha ministri iranian, duke shtuar se “Shumica dërrmuese e popullit britanik nuk dëshiron asnjë pjesëmarrje në luftën izraelito-amerikane të zgjedhur për Iranin”.
“Duke injoruar popullin e tij, z. Starmer po vë në rrezik jetën britanike duke lejuar përdorimin e bazave britanike për agresion kundër Iranit. Irani do të ushtrojë të drejtën e tij për vetëmbrojtje”, shtoi më tej ai.
Ky koment vjen pasi Britania u tërhoq dhe vendosi që të lejojë SHBA që të përdorë bazat britanike ushtarake për të qëlluar sulme në drejtim të pozicioneve iraniane kundër Ngushticës së Hormuzit.
© Panorama.al
