Në Asamblenë e PS-së, e mbajtur sot në Durrës, u prezantuan ndryshimet e reja në drejtuesit politikë në qarqe dhe në njësitë e Tiranës, si pjesë e riorganizimit të strukturave të partisë.
Një nga lëvizjet kryesore është emërimi i Taulant Ballës si drejtues politik i qarkut të Tiranës. Ndërkohë, disa figura të njohura zhvendosen nga qarqet drejt njësive në kryeqytet.
Eduard Shalsi largohet nga drejtimi i qarkut Kukës dhe do të drejtojë Njësinë 11 në Tiranë, ndërsa Damian Gjiknuri lë qarkun e Vlorës për të marrë drejtimin e Njësisë 4, së bashku me Blerina Gjylametin.
Po ashtu, në Njësinë 5 bashkohen tre emra të rëndësishëm të PS-së Erion Braçe, Taulant Balla dhe Fatmir Xhafaj. Elisa Spiropali, pas largimit nga posti i ministres së Jashtme, merr drejtimin e Njësisë 13 në kryeqytet.
Në të njëjtën kohë, Ogerta Manastirliu, përveç rolit si drejtuese politike për Bashkinë e Tiranës, do të mbulojë edhe Njësinë 9 së bashku me zëvendësministrin e Shëndetësisë, Oltjon Muzaka.
NDRYSHIMET:
Drejtuesi politik i qarkut te Tiranes – Taulant Balla
Njësia 1- Lindita Nikolla
Njësia 2- Gent Gazheli, Delina Ibrahimaj dhe Olta Manjani
Njësia 3- Iris Luarasi dhe Edona Bilali
Njësia 4- Damian Gjiknuri dhe Blerina Gjylameti
Njësia 5- Erion Braçe, Taulant Balla dhe Fatmir Xhafaj
Njësia 6- Albana Koçiu
Njësia 7- Sofan Jaupaj
Njësia 8- Igli Hasani, Vilma Premti
Njësia 9- Ogerta Manastirliu, Olti Muzaka
Njësia 10- Besfort Lamallari
Njësia 11- Eduard Shalsi
Njësia 13- Elisa Spiropali
© Panorama.al
