Argjentina kundër Kepit të Gjelbër, ose hirushja kundër “pleshtit gjigand”. Një përzgjedhje me një vlerë totale tregu prej 54.5 milionë kundër një lojtari paga vjetore e të cilit është 70 milionë (plus 40 të tjera në nivelin e reklamave).
Një vend me 491,000 banorë krahasuar me një shifër me 620 milionë ndjekës në rrjete. Dy botë. Dy planetë krejtësisht antagonistë që do të kryqëzohen këtë të premten në Majemi në Kupën e Botës. Kepi i Gjelbër kundër Mesit. Hirushja e raundit të gjashtëmbëdhjetë kundër një prej legjendave më të mëdha të këtij turneu.
“Magjia” që sjell Botërori me 48 skuadra
Kjo është ajo që ofron zgjerimi në 48 skuadra nga kjo Kupë Bote, vendi magjik ku një grup i largët ishujsh afrikanë mund të shikojnë vetë Mesin ballë për ballë. Futbollisti që fi toi tetë “Topa të Artë” do të përpiqet të ndalojë mbrojtjen e përbërë nga Pina-PikoLopes Borges-Lopes Kabral në Hard Rok Stadium. E mrekullueshme.
Shifra shumë të pabarabarta
Lojtari, pasuria e të cilit vlerësohet në më shumë se 1 miliardë krahasuar me vendin, prodhimi i brendshëm bruto i të cilit është vetëm pesëfi shi i kësaj shifre. Futbollisti me 620 milionë ndjekës në Instagram kundër vendit, llogaria zyrtare e të cilit ka vetëm 60,000. Futbolli dhe Kupa e Botës janë aq të mëdha sa, pas shfaqjes së tij kundër Spanjës në debutim, portieri Vozina shkoi nga 50,000 në 17 milionë ndjekës në një bum në rrjetet sociale që nuk ka krahasim vitet e fundit. Megjithatë, ai ka 25 herë më pak se sulmuesi argjentinas.
Numri i ndeshjeve
Vetëm Mesi ka grumbulluar 202 ndeshje me kombëtaren argjentinase, ndërsa Kepi i Gjelbër në historinë e tij ka luajtur 244, vetëm një pjesë të vogël të tyre më shumë, që nga ajo sfi dë e parë zyrtare në 1978. Mesi ka luajtur në gjashtë Kupa Bote dhe ka fi tuar një, ndërsa Kepi i Gjelbër nuk ka marrë pjesë as në aq Kupa të Afrikës (4) sa ylli argjentinas ka marrë pjesë në Kupat e Botës.
Kontrasti
Në përgjithësi pak ndeshje të Kupës së Botës ishin aq më kaq shumë disnivel në histori sa kjo. Është debutimi i Kepit të Gjelbër në kompeticionin më të mirë të ekipit kombëtar në planet dhe është, nga ana tjetër, pjesëmarrja e 19-të e “Albiceleste”, e cila arriti edhe tre yje duke përfshirë atë të fundit që e dallon si kampion aktual. Legjendat e mëdha Kempes, Maradona dhe Mesi e gjejnë kundërpikën e tyre në Kepin e Gjelbër te Rjan Mendes, i cili nuk shkoi përtej Liles. “Peshkaqenët Blu” renditen në vendin e 67-të në klasifi kimin e FIFA-s, ndërsa argjentinasit po ndjekin Francën nga pozita e dytë. Disa ëndërronin të ishin të pranishëm një ditë në një Kupë Bote dhe të tjerë ta fi tonin atë përsëri siç bënë në Katar falë Mesit. Magjia e futbollit përgatit një ndeshje që do të hyjë në histori, atë të lojtarit më të mirë të të gjitha kohërave kundër kombëtares për të cilën askush nuk kishte dëgjuar më parë. Antipodët e kësaj loje u mblodhën në të njëjtën fushë.
PANORAMASPORT.AL
© Panorama.al
