Pas arrestimit si autori i dyshuar i vrasjes së bashkëjetueses së tij 44 vjeçare, Alfred Kipe është marrë në pyetje nga hetuesit italianë, duke mohuar çdo lidhje me ngjarjen.
Ai akuzohet për vrasje me paramendim të 44 vjeçares, Luljeta Heshta nga Peqini, me të cilën bashkëjetonte për një kohë dhe prej rreth 10 vitesh jetonin në Milano ku ajo punonte si prostitutë.
Mediat italiane shkruajnë se marrja në pyetje zgjati për më shumë se një orë, ndërsa Kipe është mbyllur në burgun San Vittore në Milano
Gruaja shqiptare u vra me thikë në rrugë pasditen e së dielës, në San Giuliano Milanese, në buzë të rrugës për në Pedriano, ku Heshta po prostituonte.
Kipe, sipas asaj që mësohet, u është përgjigjur pyetjeve të paraqitura dhe, në çdo rast, në mënyrë thelbësore përsëri ka mohuar përgjegjësitë, edhe qelizat telefonike dhe kamerat e mbikëqyrjes në zonë demonstrojnë praninë e tij në vendin e krimit.
LEXO EDHE:
NDIQE LIVE "PANORAMA TV" © Panorama.al
