Gjykata ka shpallur fajtorë tre burra për vrasjen e reperit XXXTentacion, i cili u qëllua për vdekje jashtë një dyqani motoçikletash në Florida të Jugut, ku i grabitën dhe 50,000 dollarë.
Reperi, emri i vërtetë i të cilit është Jahseh Onfroy, u zu në pritë nga Michael Boatwright, 28 vjeç, Dedrick Williams, 26 vjeç dhe Trayvon Newsome, 24 vjeç, gjatë incidentit në qershor 2018.
Të tre u shpallën sot fajtorë për vrasje të shkallës së parë dhe grabitje me armë pas një jave diskutimesh nga juria.
Prokurorët arritën t’i dallonin të tre burrat përmes videove të vëzhgimit të gjera të marra brenda dhe jashtë dyqanit.
Kleopatra Bernard, nëna e reperit të vrarë XXX Tentacion falënderoi fansat e tij për ndjekjen e rastit dhe tha, “drejtësia u vendos” teksa ajo u largua nga salla e gjyqit.
Një i pandehur i katërt, Robert Allen, u deklarua fajtor vitin e kaluar për vrasje të shkallës së dytë dhe pranoi pjesëmarrjen në grabitje me tre burrat e tjerë.
Avokatët mbrojtës e akuzuan Allen si një gënjeshtar i motivuar nga shmangia e një dënimi të përjetshëm dhe pretenduan se prokurorët nuk arritën të shikonin të dyshuarit e tjerë të mundshëm përfshirë reperin Drake.
Ai u urdhërua të shfaqej në Zoom më 24 shkurt për t’iu përgjigjur pyetjeve, pasi dyshohet se kishte humbur takimin e tij të parë më 27 janar.
Reperi kanadez Drake thuhet se kishte një grindje në internet, por autoritetet konfirmuan se ai nuk ishte i dyshuar në incident.
Jurisë iu tha se Boatwright, i cili ishte sulmuesi, u dërgoi mesazhe 17 personave përpara se të merrte me qira SUV-në e përdorur në të shtënat përmes një aplikacioni telefonik.
Më pas ai ndaloi së dërguari mesazhe për rreth dy orë, përpara se të dërgonte një mesazh duke thënë: “Thuaji vëllait tim se i mora paratë për telefonin e ri”.
Disa minuta pas kësaj, ai i dërgoi dikujt një pamje nga ekrani i një lajmi duke thënë se XXXTentacion ishte qëlluar.
NDIQE LIVE "PANORAMA TV" © Panoramaplus.al