Tre javë pas një ataku në zemër, ku për fat të mirë Iker Kasijas e kaloi pa pasoja fatale për jetën, një tjetër lajm i vështirë vjen në shtëpinë e portierit legjendar spanjoll.
Gruaja e tij, Sara Karbonero, është diagnostikuar me tumor malinj në mitër. Gazetarja spanjolle, 35-vjeçare, njofton se është futur në sallën e operacionit, dhe ndërhyrja ka shkuar me sukses.
“Kur ende nuk ishim rikuperuar nga një frikë, jeta na surprizoi sërish, këtë herë më ka prekur mua, dhe ende po vuaj të shkruaj. Pak ditë më parë, në një kontroll, doktorët panë një tumor malinj në mitrën time, dhe tashmë e kam operuar. Çdo gjë shkoi mirë, për fat të mirë e kapëm shumë herët në kohë, por ende kam disa muaj vuajtje, dhe do vazhdoj trajtimin. Jam e qetë dhe plot besim se çdo gjë do shkojë mirë. E di që rruga do jetë e vështirë, por edhe se në fund do ketë një fund të lumtur. Kam mbështetjen e familjes dhe miqve, dhe një skuadre të madhe mjekësore. Shfrytëzoj këtë rast kolegëve të mi gazetarë për pak respekt dhe mirëkuptim, siç më keni trajtuar gjithmonë. Veçanërisht në këto situata të vështira për mua dhe familjen time” – shkruan Sara Karbonero, në një letër të gjatë për miqtë e saj në rrjetet sociale.
PANORAMASPORT.AL
NDIQE LIVE "PANORAMA TV" © Panoramaplus.al