Nuk zgjoheni dot nga gjumi? Pesë këshilla si të bëheni një person mëngjesi

Zgjimi në mëngjes mund të na ofrojë shëndet më të mirë mendor, rritje të energjisë dhe produktivitetit, gjumë më cilësor dhe sigurisht… lëkurë me shkëlqim.

Nga ana tjetër, hulumtimet tregojnë se ata që rrinë zgjuar deri vonë dhe zgjohen vonë në mëngjes kanë një rrezik më të lartë të diabetit të tipit 2 dhe sëmundjeve kardiovaskulare.

Pra, nëse jeni një ‘buf nate’, ia vlen të futeni në procesin e ndryshimit të orarit tuaj të vendosur.

5 këshilla për t’u bërë një person mëngjesi

1. Filloni ngadalë dhe në mënyrë të qëndrueshme

Nuk mjafton thjesht të ndryshoni alarmin nga ora 11 në 7 të mëngjesit sepse është e sigurt që thjesht do ta ndryshoni anë. Është e rëndësishme të filloni çdo ndryshim ngadalë dhe në mënyrë të qëndrueshme.

Si fillim, vendosni alarmin tuaj 30 minuta më herët se sa zgjoheni aktualisht dhe në të njëjtën kohë rrisni gradualisht kohëzgjatjen e gjumit duke shkuar në shtrat pak më herët. Pak nga pak, bëjini 30 minuta, pastaj një orë, më pas dy, e kështu me radhë, në mënyrë që trupi juaj të fillojë të përshtatet pa probleme me orarin tuaj të ri.

2. Vendosni një cikël të qëndrueshëm gjumi

Nëse e “stërvitni” trupin tuaj që të ngrihet më herët gjatë javës dhe shkatërroni këtë “model” kur vjen fundjava, të gjitha përpjekjet tuaja do të shkojnë dëm.

Mundohuni të zgjoheni në të njëjtën orë çdo ditë, madje edhe të shtunave dhe të dielave. Kjo ndihmon në forcimin e ritmit cirkadian të trupit tuaj dhe orën tuaj të brendshme për të ditur se kur është koha për t’u ngritur dhe kur për të fjetur.

3. Filloni ditën tuaj fuqishëm me stërvitje

Ushtrimet e mëngjesit mund të jenë një mënyrë efektive për të ndryshuar mentalitetin tuaj të mëngjesit. Ato japin një nxitje shtesë të energjisë dhe gjithashtu ju ndihmojnë të bëni zgjedhje më të mira ushqimore gjatë gjithë ditës.

Stërvitja e mëngjesit më në fund mund të “rinovojë” ritmin tuaj cirkadian në mënyrë që të jeni vigjilent gjatë ditës dhe në të njëjtën kohë të flini më mirë gjatë natës.

4. Vendosni një rutinë relaksuese në mbrëmje

Duke bërë një dush të ngrohtë, duke kufizuar kohën para ekranit të paktën një orë para gjumit, duke dëgjuar muzikë relaksuese, duke provuar yoga dhe teknika frymëmarrjeje. Aktivitete të tilla rezultojnë në një kalim më të natyrshëm dhe të lehtë drejt gjumit.

5. “Përqafoni” rrezet e diellit

Hapni perdet në mëngjes që të zgjoheni natyrshëm dhe të jeni vigjilentë. Kjo është gjithashtu një mënyrë tjetër për të ndihmuar trupin tuaj të rregullojë më mirë ciklin tuaj gjumë-zgjim.