Libri i Hilary Clinton arrin rekord shitjesh brenda një jave

Associated Press deklaroi se libri i Hillary Clinton “Çfarë ndodhi – historia e zgjedhjeve” ka shitur plot 300,000 kopje në platformat e ndryshme të shitjes gjatë një jave nga dita e daljes në shitje në Shtetet e Bashkuara të Amerikës.

Këto shifra janë në fakt një përgjigje shumë e qartë e të gjithë kundërshtarëve të Hillary të cilët, më herët gjatë këtij muaji, e këshillonin atë të “largohej” apo “ta mbyllte gojën.” Por, mesa duket, njerëzit kanë folur qartë dhe ata duan të dëgjojnë më shpesh nga ajo.

Hillary është duke realizuar një tur për librin e saj, i cili përfshin intervista, dhënie autografesh dhe fjalime të mbajtura në të gjithë Shtetet e Bashkuara të Amerikës. Libri, i cili u përshkrua nga The New York Times si “rritës i madh i nivelit të kualitetit,” ka tërhequr vëmendjen e publikut dhe medias që kur u anoncua botimi i tij.