10 Tetor, 2022

Jeni të shqetësuar për sjelljen e fëmijës tuaj? Ja 7 shenjat paralajmëruese për shëndetit mendor që duhet t’i kushtoni vëmendje


Të brengoseni për fëmijën tuaj është mëse e natyrshme, por ndonjëherë mund të jetë e vështirë të dini se çfarë po ndodh me të.

femije nxenes shkolle

Pavarësisht se sa të afërt jeni, ka momente kur ata nuk duan të hapen me ju, ose nuk po kaloni aq shumë kohë së bashku si një familje si zakonisht.

Natyrisht, ju nuk jeni gjatë gjithë kohës me fëmijën tuaj gjatë gjithë kohës, ndaj duhet t’i besoni instinkteve tuaja.

Nëse fëmija juaj nuk duket mirë ose jeni i shqetësuar për shëndetin e tij mendor, ndiqni instinktin tuaj.

Nuk jeni i sigurt se cilat shenja duhet të kërkoni?

Mjekia Melinda Rees shpjegon…

  1. Nuk janë socialë

Nëse vini re se fëmija juaj kalon më pak kohë me miqtë dhe anëtarët e familjes dhe më shumë kohë vetëm, kjo mund të jetë një shenjë paralajmëruese. Kjo veçanërisht nëse më parë kishte një numër miqsh të ngushtë me të cilët kalonin kohën.

Të dilni shëtitje ose të uleni së bashku në sendiljen epasme të makinës, janë disa mënyra ku mund të nisi një bisedë të qetë.

  1. Janë gjithmonë të lodhur

Kushtojni vëmendje faktit nëse fëmija juaj është i lodhur.

“Është normale që adoleshentët të duan të qëndrojnë zgjuar deri vonë dhe të flenë, por nëse fëmija juaj duket se është i rraskapitur, me të vërtetë përpiqet të zgjohet dhe është shumë i lodhur për të marrë pjesë në aktivitetet që dikur i pëlqenin, kjo është një shenjë paralajmëruese”, thotë Melinda.

  1. Janë vazhdimisht online

Shumica e adoleshentëve kalojnë kohën në internet, duke përdorur aplikacione si TikTok, Snapchat, BeReal dhe Instagram.  Por shpenzimi i shumë orëve çdo ditë në këto platforma mund të shtrembërojë të kuptuarit e të rinjve për realitetin e jetës dhe marrëdhënieve.

Nëse fëmija juaj shfaqet i shqetësuar ose i mërzitur pasi kalon kohë në telefonin e tij, por refuzon të ta heqë, përmbajtja që ai konsumon mund të ndikojë negativisht në shëndetin e tyre mendor.

Kontrollo telefonin e fëmijës tënd, shumica kanë cilësime që mund t’i ndryshosh për të kufizuar kohën para ekranit.

  1. Po anashkalojnë vaktet familjare

Vaktet familjare janë një mundësi e shkëlqyer për të gjithë që të ndajnë lajmet e tyre dhe të flasin për çdo gjë që i shqetëson.

Nëse fëmija juaj vazhdimisht i shmang këto vakte, mund të jetë për shkak se ata po përpiqen të fshehin diçka me të cilën po përballen.

Mund të jetë gjithashtu një shenjë e një çrregullimi të të ngrënit.

  1. Ata zemërohen ose shpërthejnë në lot papritur

Shpërthimet e rregullta të zemërimit ose të lotuarit për shkaqe të vogla janë një shenjë që fëmija juaj po përpiqet të përpunojë emocionet e tij ose se ai po lufton të përballet me mendime dhe ndjenja të caktuara.

Mos harroni, lini kohë të mjaftueshme që të dy të qetësoheni përpara se t’i drejtoheni për të biseduar.

  1. Kanë filluar të heqin dorë nga hobet e tyre

Jini vigjilent ndaj fëmijës suaj nëse heq dorë nga gjërat që dikur pëlqente t’i bënte.

Nëse fëmija juaj papritmas vendos të lërë ekipin e tij sportiv ose të heqë dorë nga hobet e tij pa asnjë shpjegim, veçanërisht nëse më parë i pëlqente të shkonte ose ka marrë pjesë prej vitesh, duhet ta keni marrin parasysh.

  1. Bien nga mësimet

Rënia nga mësimet mund të nënkuptojë asgjë tjetër veçse një mungesë përqendrimi, por ndryshimet e vazhdueshme në nota dhe sjellje në shkollë mund të sinjalizojnë se ka një problem.

“Qëndrimi në kontakt të rregullt me mësuesit e fëmijës tuaj është i rëndësishëm për të gjithë prindërit, pasi ata shpesh vërejnë ndryshime në sjelljen dhe qëndrimin e fëmijës suaj ndaj detyrave të shkollës para kujtdo tjetër”, thotë Melinda.

 

 

© Panoramaplus.al