Meghan Markle i dedikoi disa fjalë të ëmbla “bashkëshortit të saj të jashtëzakonshëm” Princin Harry gjatë ceremonisë së hapjes për ‘Lojërat Invictus 2022’ .
“Është nderi im të prezantoj dikë që mendoj se të gjithë do të jeni shumë të emocionuar ta dëgjoni. Nuk mund ta dua dhe ta respektoj më shumë dhe e di që të gjithë ju ndiheni njësoj,” u shpreh ish-ylli i “Suits” teksa e prezantoi atë të shtunën mbrëma.
“Ai është themeluesi i ‘Lojrave Invictus’ dhe babai i dy të vegjëlve tanë, Archie dhe Lili,” vazhdoi ajo. “Ju lutemi mirëpresim burrin tim të mrekullueshëm, Princin Harry, Dukën e Sussex.”
Harry, i cili themeloi Lojërat për ushtarakët dhe gratë e plagosur dhe të sëmurë në vitin 2014, doli në skenë dhe puthi Markle para të gjithëve, duke thënë: “Faleminderit, dashuria ime”.
Duka i Sussex-it më pas mbajti një fjalim të ngrohtë, duke ndarë në një moment aspiratat e adhurueshme të karrierës së djalit 2-vjeçar Archie.Çifti, kanë gjithashtu një vajzë 10 muajshe Lilibet.
“Për të qenë një model, ose inspirim, që secili prej jush është, duhet forcë dhe duhet guxim. Kur flas me djalin tim, Archie, për atë që ai dëshiron të bëhet kur të rritet, disa ditë është një astronaut, ditë të tjera është një pilot, një pilot helikopteri, padyshim”- tha Princi.
“Por ajo që unë i kujtoj atij është se pavarësisht se çfarë dëshiron të bëhesh kur të rritesh, është karakteri yt që ka më shumë rëndësi. Dhe asgjë nuk do të bënte mamin e tij dhe mua më krenarë sesa ta shihja atë të ketë karakterin e asaj që shohim sot para nesh.”– shtoi ai.
Harry foli gjithashtu drejtpërdrejt me Ekipin e Ukrainës, i cili mori pjesë në Lojërat në mes të pushtimit të Rusisë ndaj kombit të tyre.
“Trimëria juaj në zgjedhjen për të ardhur dhe për të qenë këtu sonte nuk mund të mbivlerësohet,”– tha Harry.
“Për secilin ekip, unë dhe bashkëshorti im e kuptojmë se ka qenë shumë e vështirë për të arritur këtu, si fizikisht ashtu edhe emocionalisht,” vuri në dukje Dukesha e Sussex.
Çifti bëri paraqitjen e tyre të parë zyrtare publike së bashku në Lojërat Invictus 2017. Markle mori pjesë në ceremoninë e hapjes në Toronto, Kanada, përpara se të dilte dorë për dore me Harry-n të nesërmen në turneun e tenisit me karrige me rrota.
