Mozzik prej vitesh ka një raport shumë të ngushtë me vëllezërit Veshaj, Romeon dhe Donaldin. Sikurse e kemi parë në rrjetet sociale ata shoqërohesh shpesh bashkë dhe gjithmonë mbështesin njëri-tjetrin për projektet e tyre, e jo vetëm
E duke qenë se jemi te mbështetja, ajo që ka tërhequr vëmendjen e fansave së fundmi është mungesa e mbështetjes nga dy aktorër për reperin i cili lançoi këngën e tij të re, dedikuar së bijës pak ditë më parë.(KLIKO) Ky projekt i ndjerë i cili flet për distancën mes Mozzik dhe Hanës pasi artisti u nda nga Loredana është vlerësuar shumë nga njerëzit dhe figurat publike që e ka shpërndarë në llogaritë e tyre në rrjetet sociale.
Por, nuk ka patur asnjë postim nga Donaldi dhe Romeo, që gjithmonë e kanë mbështetur Mozzik dhe Getinjon. Gjithsesi, ky mund të mos jetë një tregues i raporteve mes tyre, ndonëse duket e çuditshme në sytë e ndjekësve që e dinë sa raport të ngushtë kanë djemtë.
A ka lidhje Beatrix Ramosaj?
Në rrjet një nga teoritë që po qarkullon është se në ftohjen e tyre mund të ketë ndikuar Beatrux Ramosaj. Kjo e fundit për flitet se është bërë pjesë e labelit të Mozzik dhe Getinjo “2 Euro”.
Disa javë më parë këngëtarja ndau disa foto në rrjetet sociale që i shoqëroi me mbishkrimin “2 EURO”. Dy vëllezërit Mozzik dhe Getinjo prej kohësh kanë themeluar shtëpinë diskografike ‘2 EURO’, e madje së fundmi kanë treguar edhe studiot e reja që kanë ndërtuar duke zbuluar se po punojnë me artistë të rinj.
Situata e zhurmshme në ‘BBVIP’
Raporti i ngushtë mes Donaldit dhe Mozzik do merrte shumë vëmendje në fillim të vitit kur aktori ishte në “Big Brother VIP”. Reperi ishte ftuar të performonte por ai nuk i kurseu fjalët e mira për aktorin duke e konsideruar si ‘mjalta e shtëpisë’ ndonëse i ishte kërkuar mos të tregonte favorizime. Më pas ata u futën të dy të shtëpinë e famshme, gjë që ishte e ndaluar nga rregullorja. Donaldi u penalizua për këtë duke shkuar në televotim me personat më të nominuar nga banorët. Po ashtu, ai nuk mori pjesë në televotimin për të zgjedhur finalistin e parë.
Asokohe Mozzik bëri vetëm një reagim në rrjetet sociale duke shpërthyer ndaj banorëve dhe njerëzve që e kritikuan. Më pas ai deklaroi në emisionin e Donaldit:
“Aty brenda unë u futa të them të drejtën me shumë respekt edhe për pjesëtarët e tjerë që kanë qenë aty. Të betohem në Zot që kishte emra që nuk e dija fare që ishin aty. Nuk është se e kam përcjell gjithë kohën. Nuk ka qenë asnjë plan, as nuk i kam treguar askujt as çfarë të flas aty, kam hyrë vetëm direkt për të parë Donaldin dhe për t’i kënduar disa këngë. Në momentin që kishte kohë që nuk e kisha takuar këtë, pak u humba dhe harrova që jam para kamerave, ideja ishte që të mos e nënvlerësoja asnjërin aty, të gjithë njësoj kanë qenë por që e kam më shumë shpirt këtë s’kam çfarë të bëj”,– tha ai në “Më lër të flas”.
Ndërkohë i pyetur se nëse do i jepej mundësia sërish ta bënte këtë gjë si do vepronte, Mozzik tha se nuk do ndryshonte gjë, madje u shpreh se që në hyrje do i kishte uruar Donaldit fitoren.
NDIQE LIVE "PANORAMA TV" © Panoramaplus.al