Prej kohësh, daljet e tij mediatike kanë qenë të rralla. Pirro Çako ka zgjedhur që të angazhohet vetëm me muzikën, duke jetuar disi më i tërhequr nga jeta publike.
Por, kur vjen puna për një premierë si ajo e Ermalit dhe Elvanës, ai nuk kishte sesi të mungonte. Kantautori ka qenë së bashku me partneren e tij një ndër të ftuarit.
Që pas ardhjes në jetë të djalit të tyre, çifti e jeton jetën disi më i tërhequr nga aktivitetet që zhvillohen, por paparaci ynë ia ka dalë që t’u rrëmbejë këtë foto.
Partnerja e Pirros, Lertida, është një emër i njohur në rradhët e drejtësisë, pasi prej shumë vitesh ajo punon si kancelare në një institucion të rëndësishëm të drejtësisë në vend dhe është gati 20 vite më e re se ai.
Dyshja janë bërë prindër të një djali prej pak kohësh. Pirro kishte zgjedhur si gjithnjë të vishej me të zeza, ndërkohë që partnerja e tij kishte zgjedhur ngjyrat e forta dhe markat luksoze për këtë event.
KUSH ËSHTË ZYRTARJA NË KRAH TË PIRROS, NGA DALJET NË BLLOK TE DARKA PARA KAMERAVE PËR ARDIT GJEBREAN
Në nëntor festoi 55-vjetorin, por askush nuk mund ta besojë se kjo shifër ka lidhje me pamjen prej djaloshi të Pirro Çakos. Paparazzi ynë e fotografoi kantautorin pas daljes nga karantina në zonën e ish-Bllokut në Tiranë, në stilin “casual”, por ajo që binte në sy ishte vajza në krah të tij, e njëjta partnere zemre me të cilën Pirro shoqërohet prej vitesh.
Lind pyetja se cili është sekreti i marrëdhënies së gjatë të Pirros me bjonden 20 vite më të re, një zyrtare larg botës së artit? Bjondja simpatike, e cila punon kancelare në një institucion të rëndësishëm të drejtësisë në vend, është “besnikja” në ditë të mira dhe të këqija të muzikantit, është pragmatistja që zbret me këmbë në tokë një artit me plot kuptimin e fjalës si Pirro.
Të kombinuar në veshje dhe shumë të lirshëm, ata duken se vërtet janë bërë për njëri-tjetrin. Kujtojmë që kjo histori u zbulua pak kohë më parë në një darkë VIP, të organizuar në Jug nga miku i gjeneratës së tij, Ardit Gjebrea, ku Pirro Çako kishte zgjedhur të shkonte çift.
Në festën me stafin e programit “E Diela shqiptare” për të regjistruar puntatën e fundit për sezonin e kaluar, ai udhëtoi drejt jugut të Shqipërisë me bjonden shumë sharmante në krah, gati 20 vite më të re.
Vajza, e cila flitet se punon pranë një Gjykate në Tiranë, ishte miqësuar në shoqërinë mes artistësh të Pirros, ku përveç familjes së Gjebresë, ishin edhe Juliana Pasha me bashkëshortin, Altin Llakajn, çifti Venera Lumani e Lind Islami, Olsi Bylyku etj. Kjo nënkuptonte se Pirro e merr gjithmonë me vete të dashurën në festat ku zgjedhin të shkojnë çift.
Një nga momentet më të bukura të mbrëmjes që patën fatin të shihnin të pranishmit, ishte performanca e rrallë e Pirros me Gjebrenë në të njëjtën skenë. Ata kënduan “Kuturu”, që është këngë e Aleksandër Gjokës, por e realizuar nga Çako.
“Nuk mungoi dueti me mikun e përjetshëm”, shkruante Arditi krahas videos që i emocionoi të gjithë. Komentet sigurisht ishin të shumta dhe ndjekësit në “Instagram” u gëzuan shumë që mundën të dëgjonin pak nga performanca që krijoi aq shumë emocion.
Në videon në fjalë ajo që tërhoqi vëmendjen ishte pikërisht momenti kur fokusi i festës ishte te çifti më i ri i tavolinës, Pirro dhe e dashura e tij shumë simpatike. Ata shiheshin të ulur pranë njëri-tjetrit si një çift i sapofejuar, duke shijuar një gotë verë dhe batutat mes tyre.
Mënyra sesi silleshin dhe gjuha e trupit i bënte të mos e fshihnin dot faktin që ndiheshn të dashuruar. Kjo ishte hera e parë që Pirro e merrte partneren në regjistrimet e një programi televiziv me audiencë, siç është “E diela shqiptare”.
Autori i dy albumeve të fundit të Elvana Gjatës dhe i disa krijimeve të tjera, përveç ritualit të vrapit, kujdeset shumë për pamjen e jashtme dhe rezultati është ky që shihni në foto, ku duket si moshatar me partneren dy dekada më të re.
Kujtojmë që bjondet janë dashuria e parë dhe me sa duket e fundit e Pirros, duke pasur parasysh që ishbashkëshortja e tij, sopranoja Inva Mula, është bionde, martesë nga e cila kanë një djalë, Anthony Çakon.
PËR PIRRON BIONDET JANË PËR GRA DHE BRUNET PËR TË DASHURA, 10 VITE PAS SHËRIMIT NGA DIVORCI GUXON PËRSËRI
Me vendimet e tij për jetën private, Pirro Cako ka kthyer përmbys shprehjen se biondet janë për të dashura dhe brunet për bashkëshorte, pasi ai brunet e jetës së tij i mbajti thjesht për të dashura.
Kjo është historia e parë rozë që prezantohet në media, tre vjet pasi Pirro Çako i dha fund bashkëjetesës 5-vjeçare me brunen Sisi, një tjetër vajzë jashtë botës së muzikës apo spektaklit, dhe Anës (Anjushkës), një tjetër brune para saj. Duket se pas një dekade që ka kaluar nga divorci traumatik me sopranon Inva Mula, një tjetër bjonde ia ka mbushur mendjen t’i bëjë gjërat serioze në jetën e tij.
Para se divorci të bëhej publik, çifti Inva Mula dhe Pirro Çako kishin rënë dakord për ndarjen. Kujtojmë që në atë kohë Pirro u kthye në Shqipëri për të vazhduar jetën e tij, ashtu sikurse edhe Inva të sajën mes suksesit dhe fitimeve marramendëse. Pirro nisi kështu t’u kthehej si dikur këngëve, kompozimeve, dashurive pse jo, si një djalosh beqar.
Pakti ishte bërë: ndarje pa bujë. Më pas Inva do të binte në dashuri me një miliarder, që ia vlente pse jo edhe të martohej. Lidhja u publikua shpejt dhe kjo duket se e irritoi këngëtarin Çako. Nuk kaloi shumë dhe Inva mendoi të dilte hapur me Et’hem Ramadanin. Por për këtë, më parë i duhej të divorcohej nga Pirro.
Kështu që, më 31 mars 2009, Inva dorëzoi në Gjykatën e Tiranës kërkesën për divorc nga bashkëshorti dhe në datë 22 prill 2009 u zhvillua seanca e parë gjyqësore. Pas marrjes së vendimit, Pirro apeloi në Gjykatë për çështjen e ndarjes së pronave dhe ky ka qenë momenti kur mund të ketë njohur partneren aktuale.
Djali i vetëm i dy prindërve këngëtarë lirikë, Gaqo dhe Luiza Çako, me kthimin në Tiranë pati një jetë aktive krijuese, duke publikuar pafund këngë për vete dhe të tjerët.
Bashkë me krijimet nuk munguan edhe historitë e reja të dashurisë pas divorcit, që vërtetojnë faktin se Pirros i pëlqejnë lidhjet e konsoliduara dhe të gjata. Le të shohim nëse do të kemi ndonjë ceremoni VIP, ku Pirro të zyrtarizojë mes miqsh lidhjen e tij aktuale, ku të festojnë dhe ardhjen e djalit në jetë.
