Një histori e pazakontë ajo e një 33 vjeçari në Kosovë, i cili kisht gëlltitur telefonin dhe iu nënshtrua një ndërhyrje për ta nxjerrë atë.
Mediat kosovare shkruajnë se mjekët kanë arritur t’ia largojnë telefonin e ndarë në tri pjesë, me rrugë endoskopike.
Rastin e ka bërë të ditur mjeku gastrolog Skender Telaku, përmes një postimi në Facebook.
“NXJERRJA E TELEFONIT NGA STOMAKU
Mashkulli 33 vjeç para 4 ditësh kishte përbirë një telefon të vogël. Me rrugë endoskopike, pra pa e prerë lukthin, nxorëm telefonin e ndarë në tri pjese. Pa komplikime”, shkruan Telaku. /Telegrafi/
