‘Apple’ lançon sot iphone 15/ Ja të rejat dhe përditësimet që do të sjellë kompania më e njohur teknologjike

Kompania e njohur ‘Apple’ do të lançojë iPhone 15 ditën e sotme (12 shtator) në orën 7 të pasdites. Në të njëjtën kohë, ka të ngjarë të shohim një Apple Watch të ri dhe ndoshta edhe disa nga prodhimet e tjera të kompanisë teknologjike.

Apple nuk ka mbajtur një event të drejtpërdrejtë që nga shtatori i vitit 2019. Thuhet se kjo gjë do të ndodhë sërish, me njerëzit që mblidhen në Apple Park për të parë të njëjtën video që Apple do t’i tregojë pjesës tjetër të botës.

Pritet që iPhone 15 Pro i ri dhe iPhone 15 Pro Max të jenë kryesorët e ngjarjes, ku gjithashtu do të jetë dhe lançimi i iPhone 15 dhe 15 Plus, por ka të ngjarë që produkte të tjera të reja të lançohen si: Apple Watch Series 9 dhe Apple Watch Ultra 2.

Mund të shohim gjithashtu një iPad mini të ri dhe AirPods Lite të përfolur prej kohësh.

Në eventin e iPhone, Apple ka të ngjarë të njoftojë gjithashtu datën kur do të lëshojë sistemet e reja operative iOS 17 dhe WatchOS 10, me shumë gjasa disa ditë pas lançimit. Mund të marrim gjithashtu një datë shkarkimi për iPadOS 17, i cili zakonisht lëshohet në të njëjtën kohë me iOS, por ndonjëherë iPadOS nis pak më vonë. Apple gjithashtu ka të ngjarë të zbulojë se kur do të jenë të disponueshme përditësimet e radhës për softuerin tvOS dhe HomePod.

Këtu është gjithçka që pritet nga ngjarja e Apple:

iPhone 15, Plus, Pro dhe Max (ose ndoshta Ultra)

Duket se do të marrim katër iPhone të rinj këtë vit, një linjë të ngjashme me vitin 2022, me një iPhone standard 15 dhe një model më të madh Plus dhe një iPhone 15 Pro më të avancuar dhe Max më të madh. Ka zëra se Max mund të bëhet Ultra. Thuhet se modelet Pro janë ato që marrin shumicën e veçorive të reja, si zakonisht, edhe pse mund të ndodhë që modeli i madhësisë Max të marrë veçori të reja që Pro humbasin.

Apple Watch Series 9, Apple Watch Ultra

Me sa duket, ka më shumë se një Apple Ëatch në gatishmëri. Një Apple Watch 9 dhe një Apple Watch Ultra e re do të vijnë me një çip të ri, por jo shumë më tepër.

iPad mini

Kjo nuk është aq e sigurt sa iPhone dhe Orët, por ne mund të shohim një lançim të ri iPad mini në ngjarjen e shtatorit.

AirPods

AirPods Max ka nevojë për një përditësim.

Thuhet se për AirPods Lite, janë kufje që do të kushtojnë 99 dollarë. Thjesht mund të shohim një përditësim të vogël të lidhur me USB-C.