Ish deputetja e PD Albana Volshi ka reaguar pas tensioneve mes artistëve dhe Policisë Bashkiake sot para Teatrit Kombëtar, duke e quajtur “provokim” nga kreu i Bashkisë së Tiranës.
“Akti i sotëm është një provokim ndaj artistëve dhe qytetarëve”, thekson Vokshi në postimin e saj në Facebook.
“Këmbëngulja e Edi Ramës dhe e Erion Velisë për të shembur Teatrin Kombëtar nuk ka asnjë lidhje me artin. Është një akt korruptiv, që kërkon të vjedhë pronën publike, që dyshja e hajdutëve Rama-Veliaj të shtojnë pasuritë në kurriz të shqiptarëve. Se kujt i përket një pasuri kombëtare nuk e tregon një copë letër që i shërben pastrimit të parave të pista.
Teatri Kombëtar u përket qytetarëve shqiptarë dhe ashtu duhet të mbetet.
Akti i sotëm është një provokim ndaj artistëve dhe qytetarëve. Të kesh prioritet prishjen e një vepre arti, do të thotë se axhenda e kryeministrit dhe kryebashkiakut të Tiranës nuk janë qytetarët në ditën e tyre më të keqe, nuk janë bizneset që po falimentojnë, por është vetëm vjedhja e tyre në çdo formë, kudo dhe me çdo mënyrë.
Partia Demokratike është në krah të çdo qytetari dhe artisti që ka vënë të parin interesin publik dhe qendron kundër vjedhjes së pronës publike dhe pasurisë kombëtare.
#MbroTeatrin”, përfundon reagimin Vokshi.
© Panorama.al
