Lista me Pirro Manin në krye pro shembjes së Teatrit e falsifikuar? Reagon Pavlina: Ai nuk ka vënë asnjë firmë

Jun 28, 2018 | 16:54
SHPËRNDAJE

Emri i regjizorit te mirenjohurit Pirro Mani ishte në krye të listës me 65 emra, që ishin shprehur hapur pro shembjes së godinës së Teatrit Kombëtar, për ndërtimin e një teatri të ri, por pa cenuar asnjë cm nga trualli ekzistues që i takon teatrit.

pavlina mani

Letra me emrat e artistëve të njohur, apo edhe të rinj, iu përcoll dje krerëve të shtetit. Pas kësaj, vjen reagimi i bashkëshortes së Pirro Manit, aktores aq të dashur për shqiptarët, Pavlina Mani, e cila në një prononcim për “Shekulli” thotë se i shoqi nuk ka vënë asnjë firmë, e as është shprehur për shembje teatri.

Reagimi i Pavlina Manit

Përderisa në këtë punë paska futur hundët politika, ne nuk prononcohemi për asgjë. Pirro Mani ka rreth dhjetë vjet që nuk ka lëvizur nga Amerika, e çfarë firme mund të ketë venë ai, në qoftë se ai është këtu në Amerikë. Lëreni të qetë se është në fund të viteve të jetës së vet, është i sëmurë.

Ne nuk merremi me këto gjëra, athe në plan të parë nuk është fare cështja te ndërtimi i Teatrit, atje bëhet luftë politike dhe ne jemi kundër politikës, me asnjë parti nuk jemi. Si Pirro, si unë! Ne jemi astistë, nuk jemi politikanë.

Ne nuk jemi as për prishjen e Teatrit. Ne jemi për Teatër, të ekzistojë teatri të ekzistojë edhe një teatër i ri, një godinë e re, të ekzistojnë 2-3 teatro për Tiranën, se e meriton ai vend të ketë teatro sic e ka gjithë bota.

© Panorama.al

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/