“Nuk jam unë personi në video, video është e montuar”. Kështu ka deklaruar në një prononcim për “News 24”, kryetari i bashkisë së Bluqizës Lefter Alla.
Sipas tij, videoja eshte e montuar, nderkohe qe e gjithe kjo, sic ka deklaruar ai eshte “sulm politik” qe po i behet. 
Reagimi i tij vjen, pak pasi PD në një deklaratë për mediat, tha se personi i filmuar duke pire kokaine ne lokal ishte pikerisht kryebashkiaku socialist.
“Opinioni publik është tronditur sot nga pamjet se si kryebashkiaku ilegjitim i Bulqizës, sipas mediave, i emëruar nga Rama është duke konsumuar kokainë. Kokaina, heroina, kanabisi, vjedhja, zhvatja janë cilësitë kryesore të kësaj bande që drejton sot vendin. Janë cilësitë e kryeministrit të Shqipërisë, që i ka klonuar tek emërimet e tij politike në pushtetin lokal dhe në administratën publike.”- tha pak me pare, ish-deputeti Ervin Salianji, në një deklaratë nga selia blu.
Me heret, u publikuan edhe pamjet nga “Abc news”. Pamjet u shfaqen në emisionin “ABC e mëngjesit”, të kryebashkiakut duke pire kokaine, të vëna në dispozicion nga gazetari investigativ, Artan Hoxha.
“Bëhet fjalë për një kryebashkiak në detyrë, të zgjedhur në zgjedhjet e 30 qershorit. Ai ka qenë duke konsumuar kokainë në një lokal, ndërsa është regjistruar nga kamerat e sigurisë së lokalit”- thuhej ne lajmin shoqerues te pamjeve.
NDIQE LIVE "PANORAMA TV" © Panorama.al
