Pak ditë më parë u përhap menjëherë lajmi se velina e “Xing me Ermalin” po largohet nga emisioni në mes të sezonit. Fillimisht u tha se largimi i saj ka ardhur si pasojë e një konflikti me moderatorin e njohur, Ermal Mamaqi.
Por e vërteta u zbulua këtë të shtunë pikërisht te “Xing me Ermalin”, ku Kejvina zbuloi se do të shkojë në Milano të Italisë, pasi po e pret diçka e bukur. Ajo gjithashtu tha se shumë shpejt do ta shohim në një kanal të fuqishëm italian.
Ndërkohë një ditë më parë, Ermali ka publikuar në profilin e tij në “Instagram” video ku tregon momentet më pikante të Kthellës gjatë qëndrimit të saj në emision.
Ai shprehet se po e lë të shkojë pa e hedhur në gjyq pasi e duan shumë. E njëkohësisht i thotë se do i mungojë emisionit.
“@kejvina_kthella ☹do na mungosh… me gjithë bukurinë dashurinë dhe karakterin tënd të fortë.
Të duam kaq shumë sa po të lëmë të shkosh pa të hedhur në gjyq. Na e trishtove zemrën por do na gëzosh kur të shohim në ekrane botërore…???”, shkruan Mamaqi bashkëngjitur me videot.
NDIQE LIVE "PANORAMA TV" © Panorama.al
